السلام عليكم
كثير منا يحتار عند تسمية سلوقيه و البعض يستعجل في الاختيار و البعض يغير الاسم كل فتره و البعض يأخر الاسم حتى يكبر سلوقيه وما يعرف اسمه رغم اهمية الاسم للسلوقي لانه يحمسه و ينهمه به و يعرف ان الصياح و النداء عليه فيتشجع و يحاول المستحيل لارضاء صاحبه وعندي افكار نراعيها عند اختيار اسماء سلقاننا وحبيت اعرضها لكم قد تفيدكم وقد تصححوها لي
= تسميته بعمر شهرين وعدم التأخير
= لا يكون معه سلقان ليعرف اسمه بسهوله
= دايم المناداه بالاسم وتكراره خاصة عند الاكل
= اختيار الاسم المؤدب ,, بعضهم يسمي _ سربوته _ محنه - مايصير امام الاطفال
= ما تختار اسم يشابه اسماء البشر ,, فضه ,, فرحه
= في اسماء تتفاءل بها كأن تختار اسم سلقه معروفه بقوتها و سبقها و طرحها للصيد مثل - دمعه -منوه - طلقه
= في اسماء بها شؤم و نحس - حسب ما نعتقد - عندنا اسم شعله ماله حظ وما نسميه تماما -خرافات -
= عدم اختيار اسماء متشابهه بمربط او اسطبل واحد مثل ظبيا و ظبيان ليسهل على السلوقي معرفة اسمه بسرعه
= تغيير اسم السلوقي لو تعرض لمشكله كبيره و سلم منها لابعاد العين و النحس
= لا تنادي سلوقيك باسمه الحقيقي امام شخص تخاف انه يسرقه خاصة بالهددات
=عدم اختيار اسم معقد و يصعب تكراره بالهداد مثل - خياره -
= لا تختار اسم مدلع لانك تتوهق وسط الرجاجيل تخيل تنادي سلقتك نعناعه وهي مضيعه ارنبها بتقوم هوشه على طول
= لا تختار اسم لسلوقيك لكافر مثل بوش او شارون لانك تحبه و تدعو له _ مثل قولتك انشاء اليوم الفوز لبوش _ مو معقول
= توافق الاسم مع لون السلوقي مثل الاسود - ليل - العقرب __ الابيض - سحاب
= عدم تكرار الاسماء و تسميت البنت على اسم امها ليسهل عليك توثيق سلالة سلقانك - وهذه اكبر مشكله وقعنا بها عندنا ثلاث امهات بنفس الاسم و صححناها باضافة - مرجه الاولى - مرجه الثانيه - مرجه الثالثه يعني اسم مركب و هو ممنوع بالاحوال ههههههههه
انشاء الله اننا مؤمنين بالله و قدره والقدرو المقدر نافذ نافذ لا محاله
ودي اسمع منكم
اختيار اسم السلوقي مو بهين 00شوف مانت خسران شيء00
العرض العادي
