السلام عليكم ورحمة الله وبركاته
بديت باسمك عالم الغيب والخفـى ... يا من لرحمتــك المخاليـق سايلـــه
يارب نور لـي طريقـك برحمتـــــــك ... وأغفر خطى نفــسٍ مع الغي مايلـه
أحاول أنهاها لكـن مـا تطيعنـــــي ... مثل الجبـــل لا أنهـد عجـلٍ تهايلـــــه
سألت يا نفس العنـا وش أصـــابنـا ... ورى علينا الخلق باللـوم طـــايلـــــه
ردت تقول اللي مضـى لا يهمــــك ... أحســـب لنوءٍ جـا تـرازم مخايلـــــــه
ترعد وتبرق وأنت في درب سيلهـا ... أخذ الحـذر لا يجـــرفنـك مسايلـــــه
دنياك لو تضحـــــك تغـــرك وتنقلـب ... يا كثر ما هي لك من الضيم شايله
لو هي عطتك من الملذات والطرب ... بالشر لك بالصاع صاعين كايلـــــه
لو بينت لـك ودهـــــا مايــــدوم لـك ... لا بد مـن يـومٍ تلوعـــــك بهايلــــــــه
عقب العسل تسقيك كايد مرورهـا ... يخـــــدعـك وقـتٍ بينـاتٍ دلايـلـــــه
ياجاهــــل دنيـاً كفـى الله شـــرهـا ... أسمــع نصيحــة من كونـه غلايلـه
قاســى مصايبها وعانـى همومهــا ... وضاعت بها أفكاره وعجزن محايلـه
لا تشتكي همك على غير خالقـك ... أسمع كلام اللي تشـرف مثايلــــه
أرفع يدينك لا غفـى كـل هاجــــــع ... وأطلب من الرحمن جايد فضايلـــه
يعطيك ما تطلب ويكفيـك فالكـــدر ... لو لا الشـــكر كل النعم عنك زايلـه
اغنم زمانـك قبـل تدنـي منيتــــــك ... الروح مثل الجرف رمـلٍ ننثايلـــــــه
واحسب لرجلك قبل تاطا بها الخطر ... لا صرت ما تقتدر تقـاوم وسـايلــه
وأختم كلامي وأسمع آخر وصيـه ... فالوالــــديـن النفـس للخيـر نايلـــــه
الشاعر/تركي عبدالله
بديت باسمك عالم الغيب والخفـى
العرض العادي
