مساك الله بالخير اخوي راعد في تعقيب على كلامك اللي تفضلت فيه مشكور
بالنسبه اذا لقيت حباره المتعه بالطرد والطلع لطير بس تفرق عند اللي ياكل
راعي الطعم والشوي
تبي اقولك موقف صار معي شخصي انا معي طير ومعي بندق
ودوار حبارى وصيد لكن ما قسم الله وشفت ولا الطير شاف
لكن في شاب حصلو الحباره ومارموها بالشوزن وزهموني لان معي طير
طبعا كان بينهم اختلاف ناس تبيها بالشوزن وناس تبي تستمتع بهد الطير
لكن النيه كانت يبونها للأكل وهم يفكرون بمجرد ما يرميها الطير تجي (سلم)
لكن الطير نزلبها بعد مسافه
مابي اطيل عليك السالفه الاكيد انهم اخذو الحباره من غير الصدر (الفنادي )
الذ مافي الحباره راح عليهم
يعني الطير اكل نصها البعض منهم لام على الاخر قال لهم الشوزن افضل لنا من الطير
لكن انا بما اني راعي طير
اوصي واحرص كل قناص يشوف حباره
لا يزهم الا بحالة انه مايبي ياكلها يعني يبي يستمتع بهدد الطير
والا اذا يبي ياكل ويتمتع بالطعم والشوي ماله الا بندقه وكسره
لا يفزع ولا يزهم احد
لان مافي راعي طير يعجل بالطير من فوق الخرب والا الدجاجه
لان الطير ياكل نص الصيده
لا واذا حباره والا خرب مايستعجل القناص على الطير
وهذا هو الحاصل دايم
وهذا ولك وللأخوان ارق التحيه والتقدير
العرض العادي
