خيمة ومظلة المعزاب اصنعها بنفسك

جيب الربع · 10-12-2009, 10:08 PM

الحقيقه انى دخت من زمان من الخيام

كل يوم نشترى خيمه ويطلع فيها عيوب اما ثقيله واما تاخذ مساحه كبيره

او صغيره او ماتتفى فى البرد او حتى بابها صغير ونبى نفتحها مثل الشراع يعنى مشاكل كثيره

حاولت بالخيمه هاذى اللى سويتها انها يكون فيها مميزات كثيره

مثلا تقدر تفتح جهه كامله مثل الشراع وتقدر تسكر الجهه

ويكون فيها باب فى حالات البرد او النوم

وحاولت ان يكون وزنها مناسب تقريبا 25 كيلو مع الاعمده

حتى انى ماسويتلها كيس خليتها تصفيط مثل البطانيات

السقف لحاله والرواق لحاله واقدر احطها فى اى مكان بالسياره

طبعا الخام اللى استخدمته خام الخيام الابيض بس نوعيه جيده

والاعمده صغيره باى مكان تقدر تحطها

خصوصا اذا خليت عامود الوسط وصلتين يركبون على بعض

الحمد لله تم تجربتها طلعت ممتازه جدا

تم عمل نفسها من قبل الاصحاب والاصدقاء

يعنى تقريبا ثلاث خيام والفضل لله والمنه كلهن ناجحات

طريقتها سهله جدا وبسيطه ومافيها تعقيد ابد

وبعضهم وضع مخابى فى الرواق اضافات

واى خياط خيام اول مايشوف الصوره راح يفهمها

فإلى هذه الخيمه مع مشاهده ممتعة