طبخه سريعه للي ناسي القدر!!

شيهانه · 12-28-2009, 09:12 PM

السلام عليكم

اكيد مرة وانتم طالعين للبروبعد مابذيتوا العفش والعزبة ارتفع صوت الامير وقال: الله يقلعكم ماجبتوا القدر والاخر يقول: والله اني مركبه بس مادري من اللي نزله .. وهناك واحد بعيد يجمع الحطب يقول: بعالي الصوت ماهو أنا - والظاهر انه هو .
لا تبلشون جيبوا القصدير "الرول" وافرشوه على صحن والاحسن على "كبوت السيارة" ومدوه تصفيط بطول 60 الى 70 سم واقفلو الثلاث جوانب وخاصة الجوانب الطويلة واتركوا واحد ومن الجوانب الصغيرة عرض القصدير وبذلك يصير شكله زي كيس الرز المفتوح بعدين جيبوا ( لحم او دجاج + بصل دوائر + طماطم دوائر+ ملح + ليمون اسود يابس + بهارات عربية عادية + فلفل حار بدون تقطيع + ماء ..الكمية علبة ماء صحة وحدة ونص ام ريال ) حطوا كل المقادير بالكيس اللي مسوينه من القصديروقفلو الجانب المفتوح شيلوه وانتبهوا لا ينشق يعني شخصين يشيلونه وحطوه فوق الجمر بدون لهب تركيد يعني بدون دفن بعد 10 دقائق راح ينتفخ ويصير زي الكورة بالحالة هذي لا تنحاش قم بمفتاح السيارة وشق شق صغير بالقصديرة من الاعلى وخله تنسم - وحط البريق على جال النار وتقهوا لانك ماتعبت صح ... ,بعد مايطلع زين له مكان على الرمل يعني حفرة صغيرة وحط القصديرة به وافتحه من الاعلى بسكين حادة وكل من القصديرة وراح يتجمع المرق بالوسط بفضل الحفرة اللي تحت القصديرة وراااااح تشبع من الريحه بس وغمس بالمرق وبالهناء والعافية

الزمن حسب لحمتك ونارك وكل ما ابطيت احسن الاوقات المقترحة :-
لحم الحاشي الصغير..... من 1 الى 1,30 ساعة
لحم التيس الصغير..... من 1 الى 1,20 ساعة
لحم الدجاج ....... من 40 دقيقة الى ساعة

شيهانهـ,, تخلي مسئوليتها عن اي مفقودات من الاصابع والبراطم "طبعاً من زين الطبخة"

ابو عكرش · 12-28-2009, 09:20 PM

يعطيكي العافية اختي شيهانه

على الطرح المفيد كل العاده مبدعه

لا هنتي

تقبلي مروري

شبيه الريح · 12-28-2009, 11:28 PM

الله يعطيكي العافيه أختي شيهانه

على هالفكره ..بس منهو ينسى طاسة الضغط

لا هنتي مبدعه ..الله يقويك

قناص الشمال · 12-28-2009, 11:40 PM

اقتباس:

بعالي الصوت ماهو أنا - والظاهر انه هو

اقتباس:

تخلي مسئوليتها عن اي مفقودات من الاصابع والبراطم "

ههههههههههههههههههههههههههههههههه

تصوير عجيب

مشكوره شيهانه على الابداع

شيهانه · 12-29-2009, 03:17 AM

ابو عكرش\ شبيه الريح\ ابو محمد

تواجدكم وطلتكم العطره ابهجتني,,كل الشكر لكم ولحضوركم المميز والمستمر

احترامي وودي

برق الشمال · 12-29-2009, 06:24 AM

انا المسئول اللي يجهز العزبه اذا رحت مع قناص الشمال

ياويلي وياسواد ليلي اذا نسيت شي هههههههههههههههه اصلاً مانام الليل إلا اشيك على العزبه (( بسلامت الخدااامه ))

مشكوره شيهانه حل رهيب اذا نست الطاسه ،،،، بس المووووت اذا مافيه قصدير ،،،، من يفكنا من الشله ههههههههه

شيهانه · 12-29-2009, 08:59 AM

حياك الله اخوي ابو غيث

من ناحيه العزبه لابد من النسيان لو شي بسيط ,,عاد اذا ماكان فيه قصدير ابلش بعمرك

احترامي وودي