العفيسه بالاقط

شيهانه · 02-07-2010, 05:55 PM

العفيسه بالاقط

المقادير..

ثلاثة كاسات بر

كيلوا تمر منزوع القمع والطعام أو عجينة تمر نادك

فنجال سمن بري

زبده غنم اربع ملاعق

ملعقه كبيرة هيل مطحون ناعم

فنجالين طحينية ( حسب الرغبة)

كاس حليب

اقط مطحون ناعم جدا

الطريقة نحمس الطحين البر على النار حتى يميل لونه الى البني فاتح

نحط الزبده ونخلطه مع الطحين ونفتته بالملعقه ونحركه حتى يتفرق البر

نبعد القدر عن النار ونضع التمر ويفضل ان التمر يسخن شوي حتى يتفلل مع الطحين ونقوم عليه باليد
نخلطه مع الطحين البر ونفركه في اصابع اليد ونفرق التمر ونخلطة مع الطحين حتى يتفرق التمر

نضع السمن وندعك الخليط ثم نضع الحليب وندعك الخليط حتى يصبح متماسك ونخلطه وندعكه باليد
وشوي شوي نضع الهيل وشوي شوي نضع الاقط
وندعك حتى يتماسك الخليط ولا يكون يابس ولا يكون لين

والاقط يذر عليه شوي بعد ما يوضع بالصحون حسب الرغبة وبشرط تكون القهوة والمه ولا ترى مشكله عقب.

انتهى..

سيف العرب · 02-07-2010, 07:18 PM

وعليكم السلام ورحمة الله وبركاته
يعطيك العافيه اختي شيهانه على المعلومه المفيده
بس انا شفتها بالسوق يسمونها الحيسه هل هو صحيح اسمها ام العفيسه
محبكم
سيف العرب