السلام عليكم ورحمة الله وبركاته
كيف تقدر تشترى طيرك وماهي الطريقه اللى تتبعها لفحص الطير
ولا :ينصـــح بفحص صوايد الطير ( المخلب او كف الطير )
ترفع صوايده وتشووف اذا به مرض ينقال له حفاة او ساامور وراح تشوف فى كف الصقر دائره حمراء
او بيضاء ومن تلك العلامه تعرف ان الطير به ساامور او حفااة واللى اعرفه ان للحين ماوجدت الا بعض العمليات القليله لعلاج السامور وطبعا السامور نوع من الامراض التى تصيب الصقر وتكون فى كف
الصقر او مخلبه او صوايده
ثانياً: المووس ( اطول ريشه فى جناح الطير ) تمسك الطير وهو مبرقع وتحرك المنقله
لين شفت الطير رف بجناحه تحط عينك على اخر ريشه ان شفتها موجوده تراها باينه تكون اطول وحده
وركز على منبتها عشان تعرف هى ولا وحده غيره ( منبت الريش )
ثالثاً: امسح ايدك على صدر الطير وتحسس اذا به عمليه جراحيه او لا لأن الطير تكون
ضربته فى صدره وراح تحس لو مخيوط ولا سليم
رابعاً: فرق صوايد الطير ( الاصابع ) شفهن اذا به قراح او عله او انه صوايده سليمه
طبعا تفرقهن عن بعض تمسك مخلب الطير وتبعده عن المخلب الثانى وتشوف فى النص
اهم امراض الطيور الديان ويكون سببها الحمام المهم
عشان تعرف الطير اللى تبغى تشتريه به دود ولا لا
ركز حوالين وكر الطير راح تشوف الذرق ( مخلفات الصقر)
حركها بعود صغير راح تلاحظ فى ذرق الطير دود ابيض
او ما لاحظت شى تراه ان شاءالله سليم من الدود
كيفيه شراء طير
العرض العادي
