السلام عليكم

اليوم رحلتنا لم هوى الواقعه في الحجرة ( القريّـه ) في شمال المملكة " في منطقة الحدود الشمالية

وتتميز ام هوى ( بفتحه يتدفق منها الهواء البارد صيفاً ( في عز الظهر ) والهواء الساخن شتاء ) وفي الصباح تقوم بسحب الهواء والظهر يخرج من الفتحه

وتتميز ام هوى ( انها توجد داخل غار ) والغار يتسع لأكثر من 10 اشخاص تقريباً ...

والغار ارضيته طعس ( رمل ) .... كأنه غرفه وتقي من حر الصيف .... مكان نظيف خالي من الدواب

فتخيلو ( غرفه تجلس فيها ... وزود عليها مكيف بارد .... يرتاده القناصه قبل الظهر حتى يتم حجز المكان ويضبطون غداهم ثم ياخذون غفوه ولا احلى ..... وسألو مجرب ....


انا وبرق الشمال .... وابو عبدالرحمن ( خبير كهوف وغيران ) له خبره كبيرة في هذه المنطقة

نزلنا داخل الفتحه مسافه مهي بسيطه ....

مابي اطول عليكم اترككم مع الصور

هذي ام هوى اللي مايدلها مستحيل يوقف عليها


هذا الغار من بعيد


وهذا الغار


هذا برق الشمال يحاول الدخول لفتحت ام هوى


هذا ابو عبدالرحمن وبرق الشمال يستعدون للنزول


بسم الله نزل ابو عبدالرحمن




>>>

برق الشمال يقول .... ذبحني البرد


نزل ابو غيث " برق الشمال "


يقول الامور تمام " يالله بسم الله ابي انزل وراهم "








>>> يتبع

منظر رهيب ...


ابو عبدالرحمن يمسك برق الشمال يساعده للخروج إلى اعلى الفتحه


انا اول الخارجين من ام هوى .... عطوني ايديكم اطلعكم


ابو عبدالرحمن ثاني الخارجين


برق الشمال اخر الخارجين من المكيف ( ام هوى )


ثوبي امتلى هوى


الشماغ وصل السقف من قوة الهوى


برق الشمال يمسك الشماغ .... منظر رهيب ... احلى برشوت





وان شاءا لله الصور اعجبتكم

هذي يبي لها زيارة يا ابو محمد بس الحفرة من تحت كبيرة و واسعه وكيف النزول لها صعب وبالنسبة لسمان يقدرون ينزلون لها ههههههههه

الله محييك ....

الفتحه شوفت عينك صغيرة شوي ....واذا نزلت فيها كأنه ممرات .... كل مالها تاخذ بالعرض ... طبعاً ضيقه شوي تاخذ شخص واحد .... يعني اثنين بجنب بعض مايمشون

بس ماوصلنا لآخرها لانه فيه نزول ثلاث امتار تقريباً .... ولازم معك سلم من الحبال ..... وشكلنا نجيب هالسلم وننزل فيها ....

الله والعالم ان فيه شطب بعيد عنها شوي .... هو اللي يدخل معه الهواء ... ويمر بمياه جوفيه بارده ... ويجينا هواء بارد

ابو عبدالرحمن يقول نزلت بغار مدة 45 دقيقه مشي وزحف ..... لين وصلت لغرفه جدرانها رطبه تقدر تهدمها بيدينك من الرطوبه

اما السمان ما انصح انه ينزلون فيها ...... احسن لهم يريحون داخل الغار وعلى هالمكيف البارد

وعليكم السلام ورحمة الله وبركاته

اول شي الحمدلله على السلامه ... ومن طول الغيباات جاب الغنايم

عز الله غبت وجبت ... الله لا يهينك .. موضوع رائع وصور أأروووووع ..

بس هالحفره ماابها من هالذيااب والامور هااذي .. (( اقصد اللي تحت))

واللي يبي يروحلها ومايدلها بالضبط يااترى مااذا يفعل ..؟؟

يعطيك العافيه اخوي ابو محمد وان شاء الله لي جيه لعرعر بالعطله الكبيره ونزور الغار انا وياك
وسلمني على ابو غيث

تقبل مروري
ابو جاسم