جمس 454 ..

الشمالي · 03-06-2011, 12:14 AM

G M C

جمس رفرف

صــور ... تاريخ ... توثيق

اولاً

صور عن الجمس الرفرف في التاريخ الماضي

الله يذكر ايامه بالخير

حــيــيّــت يــــا جــمـــسٍ جــــدادٍ مــشــاريــه
عــبّــارتــيــنٍ بــمــيـــة ألـــــفٍ شــريـــنـــاه

أربـع مـيــا وخـمـسـيــن مــن عـنــد أهـالـيــه
آخـــر مــوديـــل بــعــالــم الــشـــرق عــــزّاه

حــالــف حـــرام إنـــي لاســوقـــه واعــدّيـــه
يـــوم إن ولْـــد أمّـــه قــصــر مـــا تـهــقــواه

جـمــسٍ لــيــا شـفــتــه عــزالــك تـقـهــويــه
يــا ِطـيْــب طِـيْــب الـقـهـوجــي كــان قـهــواه

تــقـــول مــعـــزومٍ لــحــفــلــة (ســـواريـــه)
جــاك امـتـشــيّــك وامـتـعــطّــر ومـــا احـــلاه

ســــوّاه لـــطـــوال الـــشـــوارب مــســوّيـــه
مـــا يـركــبــه يـــا كـــود حــامــي حــمــايــاه

حـــرٍّ كــفــخ مـــن روس عــالـــي مــبــاديــه
قــــرمٍ تــلــطّّــم وأشــقـــر الــكــنــت طــفّـــاه

يـا لـيـت راعــي الـجـمــس يـومــه يـسـمّـيــه
عـلــى اســم عـنـتــر والا بـــو زيـــد ســمّــاه

الشمالي · 03-06-2011, 12:14 AM

حـيـثــه شـنــب يـسـتـاهــل الــمــدح زاهــيــه
مـلــعــون أبـــو مـــن لا قــمــز لـــه وحــيّــاه

مــن عـزتــه مــا ركـبــو أهــل الــدلــع فــيــه
ولا ســــوّقــــوه أولاد بــــابـــــا ومــــامـــــاه

ولا سـاقــه الـخـكــري ولا احــمــر عـتــاريــه
وبــنــات الـمـديــنــة مــــا تــعــلّــن زوايــــاه

الـجــمــس أحــبّـــه حــــبّ غــــالٍ لـغــالــيــه
حــــبٍّ عــظــيــمٍ حــــبّ نــمـــرٍ لــوضــحــاه

ومــن حـشـمـتــه لا جـيــت اسـافــر امـالــيــه
ولا خــلّــص الـمــشــوار جــيـــت آتــرضّـــاه

يــا شـيــب عـيـنــي يــوم آجــي لــه والاقـيــه
مـثــل الـــذي وســـط الــخــلا شـــاف لامـــاه

ومن سرعه الرادار ما عــاد يـمـديــــــه
يـشـوفه ولا جـنـّي سلـيـمـان جـــــــاراه

هم ما دروا ان الجمس صعبه مراميـــه
ويصعب على الــرادار كـشـفة خـفـايـــاه

صحيح من لا يعــرف الصقــر يشـويـــه
والجـمـس صـقـر وكــرّم الله مـلـحّــــــاه

أرقـام طبلونــه خديـعـــه وتـمـــويـــــه
من شــآن ما يـِمـنـَـع ويخـسـر وكــلااااااه

والا تــرى العــدّاد يا جـاهـــــــل(ن) فيه
ألـفـين كيلـــــو بالدقـيـقـــه حـسـبـنـــــاه

واعـداد ما يـذري من الشرق ذاريـــه
صـلوا على من زعـزع الشرك وانهـاه

الشمالي · 03-06-2011, 12:15 AM

الجمس الرفرف في الحاضر

G M C

%%% صـــــور %%%

قناص الشمال · 03-06-2011, 12:28 AM

الله على جمس (ن) قزازه مقسم ************* مبداه حرف الجيم والسين منــهاه

مشكور اخوي الشمالي على الصور اللي تفتح النفس

الجمس في زمان عز ومهابه

صرااااااااااااحه ذكرتني بجموسن قديمه .... معاد نشوفها الحين

بانتظار جديدك المتميز